Mermaid Seafoods

Mae Mermaid Seafoods yn siop bysgod deuluol yn Llandudno, a sefydlwyd yno gan deulu Wright ym 1984. Mae ei dîm yn paratoi ystod o bysgod a physgod cregyn wedi’u marinadu, sy’n barod i’w coginio, yn y siop, gan greu’r marinadau a’u rhoi ar y cynhyrchion â llaw. Mae’r cynhyrchion yn cynnwys ffiledau draenog y môr ac eog â tsili, sinsir a lemwn, eog teriyaki, penfras arddull Eidalaidd, sgiwerau corgimychiaid wedi’u marinadu a chebabs bwyd môr cymysg. Yn ogystal â’r cynhyrchion parod hyn, mae’r siop yn gwerthu bwyd môr ffres, wedi’i rewi ac wedi’i fygu. Mae’n cael bwyd môr gan bysgotwyr Gogledd Cymru pan fo ar gael, ac o farchnadoedd pysgod y DU pan fo cyflenwadau lleol yn brin.